الحذاء

السلام عليكم ورحمة الله وبركاته
شحالك شيخنا عساك بخير ,, ترجع بالسلامة ان شاء الله من السفر =)

الحلم هو :
كنت امشي بالجامعة واكتشفت ان حذائي ضاع لكن بنفس الوقت كنت لابسة حذاء بس مب نفسه اللي ادور عليه ..

تميت ادوره وادوره لين ماوصلت عند شخص هو مسؤول عن الحافلات الجامعية فسألته اذا شاف حذائي وأجابني بانه ماشاف الحذاء ..

مشيت مرة ثانية وهالمرة ركبت الحافلة وكانو وياي 3 بنات وكانو في الحلم خواتي من ابوي بس انا في الحقيقة ماعندي خوات من ابوي ..
وفجأه دخل الحافلة شاب بكامل كشخته ولابس لبسنا الاماراتي فسرت سألته اذا شاف الحذاء ولا لاء .. ورد علي بنفس الجواب انه مايعرف وين الحذاء وتم يسولف وخواتي كانو يطالعوني بنظرات ويضحكون ..

الشي الغريب في الحلم ان الحافلة يوم كانت تتحرك شفت في الشارع ثلاث لوحات
اللوحة الأولى كانت عليها صورة الشيخ خليفة حاكم بلادنا الله يطول بعمره واللوحة الثانية عليها صورة الشيخ صباح الصباح أمير دولة الكويت والصورة الثالثة عليها صورة الشيخ محمد بن راشد آل مكتوم حاكم دبي ...
وانتهى الحلم ..

وبعد كمن اسبوع صديقتي اللي قريبه مني وايد حلمت ان حذائي كان ضايع وكنت اقولها انه انسرق وضاع وكنت ادوره

ان شاء الله تفسرولي اياه والسموحة على الاطاله =)

معلوماتي :
عمري 19 سنة- عزباء - أدرس هندسة مدنيّة سنة ثالثة