ألذ من همس الاحبه معاتبها

ياصاحبي والله انك عندي الغالـي = الروح ماغير وجه وانت صاحبهـا
مالك شريكٍ بروحي يابعد حالي= تستاهل الروح لـو انـك متعبهـا
ناس ٍ لولا شوفها ماجت على بالي= وناس ٍ ليا شفتهـا قمـت iتجنبهـا
والاّ انت فالقلب في حلي وترحالي= تسلا بك النفس لو زادت متاعبها
مانيب في غيبتك دالـه ولا سالي = وان كان قالت لـك الايـام كذبهـا
حبك بقلبـي تـراه الاول التالي = يامداوي جروح روحي يامسببها
عزالله ان الك عندي منزل ٍ عالي= لكـن رفقـا ً بروحـي لا تعذبهـا
ولا تفرّح ارجوك عذالك وعذالي= اللي لحون الجفا والصد تطربها
اجلس واخذ من دلال الحب فنجالي = ألذ مـن همـس الاحبـه معاتبها
وعطني علومك بلا خطٍ ومرساالي = اقرا رموز ٍ بحورا العيـن تكتبها