الحب من اول نظره

الحب من اول نظره

كنت احسب اني الوحيد اللي من اول شوفه
باع ماحوله ودونه لأجل ذيك الطامه
واكتشفت اني غلط والمشكله معروفه
مشكله طايح بها الشعب السعودي عامه
ساعه اتخيل علامة قف.. في نفنوفه
وساعه اتخيل كأني محتويه وظامه
كنت عايش في امان الله قبل اشوفه
كنت من قبل الغرام اشعر براحه تامه
امشي بحالي واداري الساس قبل الطوفه
والخجل عندي يعد من النقاط الهامه
لين شفته وانلخمت بنظرته وحروفه
كني بوسط اختبار الثانويه العامه
وين اودي وجهي من العالم الملقوفه
وادري اني بقطع انفاسي ولاني شامه
ماني م أمل على نظراته المكسوفه
العسل بالحب من ضمن المواد السامه
ان ضحك لي بعتبرها لعبة مكشوفه
وان صدق فيها ياحول الله ويالطامه
اقطع ذراعي اذا قد مد لأحد كفوفه
ماشي لحاله وفي حاله ولأحد هامه