يـــــــــوميات عضـــو ( بقلم كاتم أسرار )

يـــــــــوميات عضـــو ( بقلم كاتم أسرار )

بسم الله الرحمن الرحيم

أخواني وأخواتي الأعضاء بإذن الله الكريم سأطرح لكم يوميات عضو بشكل حلقات على

مدار الأسبوع إن إستطعت على العلم بأن هذه الحلقات تصور بعض الأعضاء بالمنتديات

ومايدور خلف الكواليس بين الأعضاء وليس المقصود بها عضو معين أو شخص معين وإنما

مايدور عادة في بعض المنتديات بشكل فكاهي القصد منه الحذر من أن تكون شبية لمثل

هؤلاء الأعضاء وعلى أمل أن تنال الحلقة الأولى على إعجابكم لأكمل المسير في كتابة باقي

الحلقات وأشكر الأخت نورمن لمساعدتي في رسم البسمة على شفاتكم من خلال رسوماتها

تقبلوا مني أرق تحية

كاتم أسرار ___________________________________



الحلــــــــــــــقة الأولى



مغروره تنتظر حبيبها بالماسنجر وطول عليها وماخش

مغروره : يوه وينه تأخرعلي شكلي أبسكر الماسنجرخلاص مليت بس هذي مشكلتي إني أحبه ماأقدر
وهي جالسة تنتظر إنفتح الماسنجر حق مسكين

مغروره : وينك يادب من اليوم أنتظرك
مسكين : ماعليش حبيبتي كنت جالس أكتب خاطره فيك
مغروره : صدق والله
مسكين: أجل ايش تحسبين إنك رخيصة عندي
مغروره:بس تأخرت علي كثير حبيبي
مسكين: وش اسوي علشان تكون احلى خاطره بأحلى حبيبه بالدنيا
مغروره : تسلم حبيبي الله لايحرمني منك
مسكين : ولا منك عمري
مغروره : يالله أقرأ لي اللي كتبته
مسكين : حبيبتي لاتستعجلين خليني لمن أنزلها بالمنتدى
مغروره : يووه يعني يرضيك يشوفونها قبلي
مسكين : لا مايرضيني خلاص راح أوريك
مغروره : تسلم ياكل الدنيا
مسكين : الله يسلمك حبيبتي

وقرأ لها المسكين الخاطره وأعجبت مغروره بالخاطره وإغترت أكثر وصارت تشوف نفسها على الكل
وفي اليوم الثاني

مغروره : ليش ترد عليك اللي ماتستحي على نفسها بالطريقة هذي
مسكين : وش أسوي يعني أقولها لاتردين
مغروره : ايه قلها لاتردين أنت عارف انك بس لي
مسكين : يابنت الناس ماأقدر أقول لأحد لاترد علي
مغروره : ماعلي منك أجل لاتكتب شيء خلاص مانبغى خواطر
مسكين : بس أنا ماأقدر لازم أكتب
مغروره : شوف ياأنا يالخواطر قلت لك
مغرور : طيب حبيبتي ماراح أكتب بس لاتزعلين

المهم مسكين شاف الناس تسأل عنه وترسل له رسايل خاصه وتسئلة عن سر توقفه عن الكتابة ....

حاول المكسين يصرف ويعتذر بس مافيه فايدة حتى إن بعضهم ظن إن مسكين يسرق خواطر ؟؟

ومن كثر اللح علية والكلام اللي جاه قررمسكين إنه يترك المنتدى ويعتزل اللي بالمنتدى علشان يرتاح من إزعاج الناس وترك المنتدى وفي آمان الله

وكالعادة المسكين هو ومغروره بالماسنجر متقابلين :


[IMG][/IMG]

مغروره : هاه حبيبي كيفك ماكتبت لي خاطره جديدة
مسكين: مو أنتِ قلتي لي لاتكتب
مغروره : ايه لاتكتب بالمنتديات بس أكتب لي انا هنا بالماسنجر
مسكين: طيب راح أكتب لك عمري ولاتزعلين

المهم وتمر الأيام ويعيش مغرور ومغروره على المنوال هذا خواطر وحب بالماسنجر

مرت الشهور وغابت مغروره عن مسكين وإستغرب غيابه مو من عادتها تغيب المدة هذي ( طبعا حاطته حظر)

وصار مسكين في كل يوم ينتظر مغروره على الماسنجر لعلها تحن عليه وتخش

ومن حسن الحظ وبعد إنتظار طويل دخلت مغروره الماسنجر وعلى طول إستقبلها مسكين بالترحيب والسؤال

مسكين : هلا حبيبتي وينك من زمان غايبه عني

مغروره : من أنت

مسكين : وش دعوى أنا حبيبك

مغروره : حبتك القراده بلا

مسكين : يؤ وش تقولين شكلك تمزحين

مغروره : أنا أعرفك علشان أمزح معك وطرخ بالماسنجر ودلت

طبعا خسر مسكين كل شيء خسر الحب والكتابة والشهره وهذا حال الكثير من الأعضاء

في المنتديات


لاأستغني عن تعليقاتكم

كاتم أسرار